ᑭᙵᐃᑦ ᓵᓚᒃᓴᐅᓯᐊᖅᐳᖅ ᓄᓇᕗᓕᒫᒥᑦ ᓵᓚᒃᓴᕋᓱᑎᒥ ᑕᒪᑐᒪᓂ ᐊᕐᕌᒍᒧᑦ ᖃᓗᐃᓕᐅᓛᖑᓇᓱᒃᑐᓂ ᓄᓇᓕᖕᓂ.

ᕼᐋᒻᒪᓚᒃᑯᑦ ᓵᓚᒃᓴᖅᑐᑦ 2026-ᒥ ᐹᑎᓯᐹᒃᓴᓐᑯᑦ ᓄᓇᓕᖕᓂ ᖃᓄᐃᓕᐅᖅᑎᑎᓂᖏᓐᓂ, ᓵᓚᒃᓴᐅᓯᐊᖅᖢᑎ $10,000-ᓂ ᓄᓇᓕᖕᓂ ᐱᙳᐊᖅᑐᓕᕆᓂᕐᒧᑦ ᐊᒻᒪ ᐃᖅᑲᐃᓕᓴᕈᑎᒃᓴᓄᑦ ᐊᑐᖅᑕᐅᓂᐊᖅᖢᓂ.

“ᐅᓇ ᐱᐅᔪᖅ ᓇᓕᐊᓐᓄᑐᐃᓐᓇᖅ ᓄᓇᓕᖕᓄᑦ, ᑭᓯᐊᓂᓕ ᓯᕗᓪᓕᖅᐹᒥ ᐊᑎᓕᐅᓚᐅᕋᑦᑕ ᖃᓄᐃᓕᐅᕈᑎᐅᓇᓱᒃᑐᒥ, ᑕᐃᒪᓕ ᖁᕕᐊᓱᑦᑎᐊᖅᑐᒍᑦ ᐊᒻᒪ ᐱᒃᑯᓕᑦᑎᐊᖅᖢᑕ ᓵᓚᒃᓴᕋᑦᑕᒎᖅ,” ᑭᙵᐃᑦ ᒪᐃᔭᖓ ᔨᒥ ᐋᓂᖕ ᐅᖃᓚᐅᕐᑐᖅ ᐊᐱᖅᓱᖅᑕᐅᑎᓪᓗᒍ.

ᖃᓄᐃᓕᐅᖅᑎᑦᑎᔾᔪᑎ ᐊᑐᖅᑕᐅᓚᐅᕐᑐᖅ 385-ᓂ ᓄᓇᓕᖕᓂ ᑲᓇᑕᒦᑦᑐᓂᒃ ᐊᒻᒪ ᓄᓇᖃᖅᑐᑦ ᐱᓱᑲᑕᒃᖢᑎ ᖃᓄᖅ ᐅᖓᓯᖕᓂᓕᖕᒥ ᐱᓱᓪᓗᐊᕐᒪᖔᑕ ᑲᑎᑕᐅᓪᓗᑎᒃ ᓄᓇᓖᑦ ᐱᓱᑲᑕᒃᓂᖏᑦ ᔫᓂᐅᑎᓪᓗᒍ. ᑯᐸᐃᒃ ᓯᑎ ᐊᑦᑎᖅᑕᐅᓚᐅᕐᑐᖅ ᑲᓇᑕᒥ ᖃᓄᐃᓕᐅᖃᑦᑕᓛᖑᓂᖏᓐᓂ ᓄᓇᓕᖕᓂ, ᑖᒃᑯᐊᓗ ᐳᕌᕕᓐᓯᐅᔪᑦ ᓴᓚᒃᓴᖅᑎᑦᑎᒋᓪᓗᑎᒃ ᓄᓇᖃᖅᑐᓂ ᐳᕌᕕᓐᓯᖏᓐᓂᒃ ᐊᒻᒪ ᑎᐅᕆᑑᕆᖏᓐᓂᒃ.

ᑕᐅᑐᑲᑖᓪᓚᓚᐅᖅᖢᑎᒃ ᐃᖃᓗᐃᑦ ᓄᓇᕗᒥᑦ ᓵᓚᒃᓴᖃᑦᑕᖅᑐᓂ ᐊᕐᕌᒎᕋᑖᖅᑐᓂ ᐱᖓᓱᓂᒃ, ᑭᙵᐃᑦ ᐱᙳᐊᕐᕕᓕᕆᔨᖏᑦ ᓄᓇᓕᖕᓂ ᐱᓕᕆᑎᑦᑎᓕᓚᐅᕐᑐᑦ ᐅᑯᐊ “ᓵᓚᒃᓴᑲᑕᒃᑐᑦ ᑲᑕᒃᑎᑕᐅᔪᒪᓪᓗᑎᒃ ᐊᒻᒪ “ᐊᖏᕐᕋᐅᔾᔨᓗᑎᒃ ᑖᒃᓱᒧᖓ ᑮᓇᐅᔭᓂ,” ᐅᖃᓚᐅᕐᑐᖅ ᐱᙳᐊᖅᑐᓕᕆᓂᕐᒧᑦ ᐃᑲᔪᖅᑐᐃᔨ ᑖᓐ ᑯᕆ ᐅᖃᓚᐅᕐᑐᖅ.

“ᖃᐅᔨᒪᔪᒍᑦ ᐊᕐᕌᒍᒐᓴᐅᓕᕐᑐᓂᒃ ᐃᖃᓗᐃᑦ ᓵᓚᒃᓴᖅᓯᒪᔪᑐᐊᖑᓂᖓᓂ,” ᑯᕆ ᐅᖃᕐᑐᖅ. “ᖃᓄᐃᙱᑦᑐᖅ ᑖᒃᑯᓄᖓ. ᑭᓯᐊᓂᓕ ᑕᒪᑐᒪᓂ ᐊᕐᕌᒍᒥ ᐃᓚᐅᓇᓱᓕᓚᐅᕋᑦᑕ ᐊᒻᒪᓗ ᓄᓇᓕᖕᓄᑦ ᑕᒪᓐᓇ ᖃᓄᐃᓕᐅᕈᑎᐅᓂᕐᓴᐅᓕᖅᖢᓂ.”

ᓄᓇᓖᑦ ᐋᖅᑭᒃᓱᐃᓚᐅᕐᑐᑦ ᑕᖅᑭᓕᒫᕐᒥ ᐱᓱᑲᑕᒃᑎᑦᑎᔪᒪᓪᓗᑎᒃ ᐅᕙᓂ ᔫᓂᒥ, ᑖᒃᑯᐊ ᓄᓇᓖᑦ ᐊᑐᖅᑎᑕᐅᓪᓗᑎᒃ ᐱᓱᒃᐸᓪᓕᐊᔭᖓ ᖃᓄᖅ ᐅᖓᓯᖕᓂᖃᓕᕐᒪᖔᑕ ᐊᒻᒪ ᐱᓇᓱᐊᕈᓯᖅ ᐱᐊᓂᒃᑳᖓᑦ ᑖᒃᑯᐊ ᑎᑎᕋᐅᓯᐅᕙᒃᖢᑎᒃ. ᒫᓂ 200-ᓂ ᐃᓕᓐᓂᐊᖅᑎᑦ ᐊᒻᒪ ᐃᓕᓴᐃᔩᑦ ᐅᑯᓇᙵᑦ ᓵᒻ ᐳᑦᓚᒃ ᐃᓕᓐᓂᐊᕐᕕᒃᒥ ᐊᒻᒪ ᐲᑕ ᐱᑦᓯᐅᓛᒃ ᐃᓕᓐᓂᐊᕕᒃᒥ ᑕᒪᑐᒥᖓ ᐱᓕᕆᑎᑕᐅᓚᐅᕐᓯᒪᔪᑦ.

“ᑖᒃᑯᓄᖓᑐᐊᑦᑎᐊᖅ ᓵᓚᒃᓴᐅᓯᐊᖅᑐᒍᑦ,” ᑯᕆ ᐅᖃᕐᑐᖅ.

ᐅᓇ $10,000 ᓵᓚᒃᓴᐅᓯᐊᖅ ᐃᑲᔫᑎᐅᓂᐊᕐᑐᖅ ᐃᓅᓱᒃᑐᓂ ᐊᒻᒪ ᐃᓐᓇᑐᖃᕐᓂ ᐱᙳᐊᖅᑐᓕᕆᓂᒃᑯᑦ, ᐃᓕᓐᓂᐊᕌᓂᒃᑳᖓᑕ ᖃᓄᐃᓕᐅᕈᑎᒃᓴᓄᑦ, ᐱᙳᐊᕐᓂᒃᑯ ᓵᓚᒃᓴᕋᓱᖃᑦᑕᕐᓂᕐᒧᑦ, ᐊᕐᕌᒍ ᐊᐃᑉᐸᕆᓕᕐᑕᖓᓂ ᐆᒥᖓ

Tour de Kinngait ᐸᐃᓯᑯᒃᑯᑦ ᓱᒃᑲᓴᐅᔾᔪᐊᖅᐸᒃᑐᓄᑦ ᐊᒻᒪ ᖃᓄᐃᓕᐅᕈᑎᐅᕙᒃᑐᓄᑦ ᓄᓇᓖᑦ ᓯᓚᒥ ᓯᐊᕐᕆᔮᕆᒋᖃᑦᑕᖅᑕᖓᓄᑦ, ᑯᕆ ᐅᖃᕐᑐᖅ.

ᒫᓂᖕ ᐅᖃᓚᐅᕐᑐᖅ ᐃᓱᒪᓪᓗᓂ ᑕᒪᑐᒪᓂ ᓵᓚᒃᓴᕐᓂᕆᔭᖓ ᑕᐃᒪᐃᓕᐅᖅᑎᑦᑎᒃᑲᓐᓂᕈᑎᐅᖁᓪᓗᓂᐅᒃ ᓄᓇᖃᖅᑐᑦ ᐃᓚᐅᓂᕐᓴᐅᓗᑎᒃ, ᐱᓗᐊᖅᑐᒥᓐ ᐃᓐᓇᐃᑦ, ᐃᓚᐅᓂᐊᕐᓗᑎᒃ ᐊᕐᕌᒍ.

ᑯᕆ ᐅᖃᓚᐅᕐᑐᖅ ᐱᙳᐊᕐᕕᓕᕆᔨᒃᑯᑦ ᒫᓐᓇ ᐃᓐᓇᕐᓄᑦ ᖃᓄᐃᓕᐅᕈᑎᖃᖅᑎᑦᑎᔪᑦ ᐱᖓᓱᓂᒃ ᑕᓪᓕᒪᓄᑦ ᐅᓐᓄᓴᒃᑯᑦ ᐱᓇᓱᐊᕈᓯᕐᒥ ᐊᒻᒪᓗ ᖃᐅᔨᑎᑦᑎᓚᐅᕆᓪᓗᑎᒃ ᓴᙱᒃᑎᑉᐹᓪᓕᕈᑎᐅᔪᓐᓇᖅᑐᓂᒃ ᑐᒃᑲᕆᐊᓕᖕᓂᑦ, ᖃᐅᒻᒪᔪᓂᒃ ᐊᕐᓴᕐᓂᒃ ᐊᒻᒪ ᑕᓯᑦᑕᖅᑐᓂ ᕿᑎᒃᑰᕆᐊᓕᖕᓂ.