Iaz atseden hartu ostean , Euskal Pentatloia puri-purian dator aurtengoan. Larunbat honetan erabakiko da nor den txapelduna. Andoni Iruretagoiena 'Izeta VI', Xabat Olaizola, Jokin Urretabizkaia 'Basozabal', Beñat Telleria, Ioritz Gisasola eta Julen Kañamares izango dira lehian zezen plazan, 22:00etatik aurrera.

Plazako leihatilak 20:00etan zabalduko dira sarrerak erosi ahal izateko. 35 euro balio du bakoitzak.

21:00etan sartu ahal izango da zezen plazara eta giroa berotzeko, DJ Goiko zumaiarra ariko da bertan musika jartzen. Finala hasi aurretik, duela gutxi hil den Ohiane Mateos kazetariari omenaldia egingo zaio, «bere lana eta egindako ekarpena aitortzeko».