Mutrikuko Zabiel kultur etxean kokatuta dagoen Udal Liburutegiak ordutegi zabalagoa du joan den ostegunetik aurrera eta, horretaz gain, aurrerantzean larunbatetan ere izango da irekita.

Udaletik jakinarazi dutenez, orain arte Liburutegia ez zen irekita egoten larunbatetan baina hemendik aurrera nahi duten guztiek asteko egun horretan ere izango dute Udal Liburutegiko zerbitzuak erabiltzeko aukera; 9.30etik 13.30era bitartean, hain zuzen ere.

Horretaz gain, Udal Liburutegiak astean zeharreko ordutegia ere aldatu eta zabaldu du. Hala, astelehenetik ostegunera 9.30etik 13.30era eta 16.30etik 20.00etara egongo da martxan; eta ostiraletan, 9.30etik 13.30era eta 16.30etik 19.00etara arte.

Aldaketa hauen helburua «ordutegi malguagoa eskaintzea da, herritarren beharretara egokituz eta irakurketa, ikasketa eta kulturarako sarbidea erraztuz».