Herriko surflariak eta bodyboarderrak erakustaldia ematen ari dira dagoeneko Itzurun hondartzan. Zumaiako Itzurun Surf Elkarteak, Ziskek, antolatuta, txapelketa herrikoia jokatzen ari dira goizean goizetik.

Bi egun iraungo ditu kirol hitzorduak, eta hainbat kategoriatan banatuta jokatuko dute: surf eta bodyboard open, surf eta bodyboard master, 18 urtez azpikoen surf eta bodyboard txapelketa eta longboard txapelketa, hain zuzen ere.

Hala, zumaiarrek trebezia eta trikimailuak erakutsi beharko dituzte uretan, epaimahaiaren puntuaziorik altuena eskuratu eta txapela irabazi ahal izateko.