Jakoba Errekondo eta Markel Arriolabengoa egileek aurkeztu berri duten liburua, 'Zuhaitzak eta arbolak Euskal Herrian' , ezagutaraztera emango dute Azpeitian. Datorren urriaren 2an izango da ekitaldia, Azoka Plazan, 18:30ean hasita, eta egileekin beraiekin solasaldia izateko aukera izango dute bertaratzen direnek.

Errekondok eta Arriolabengoak Iñaki Etxebesterekin eta Dani Blanco argazkilariarekin batera ondu dute liburua. Besteak beste, zuhaitz eta arbolen inguruko jakintza orokorrak bildu dituzte lanean: zuhaitzaren eta arbolaren egitura eta izendapena, ekologia, zuhaitzekin lana, ilargia, basogintza, paisaia eta erabilerak.

Euskal Herriko 116 zuhaitz eta arbola espezie ageri dira liburuan, eta bakoitzaren ezaugarriak, erabilerak, bitxikeriak, gaitzak eta izurriteak azaldu dituzte. Edukia 1.096 argazkik, 100 ilustraziok eta 86 mapak osatzen dute.