Gaur etxean jokatuko ditugu hiru puntuak

eta ohetik jarraituko ditugu lur ikaratuaren errep(l)ikak.

Gure autonomiak papeleta guztiak ditu dependentziak kutxatua ez izateko

interes tipoek gora egin baitute eguna balio positiboetan bukatzeko.

Haizea dator iparraldetik,

k(i)lima aldaketaren berotegi efektua.

Zure bihotzak ez du lerrobururik,

azken orduetan dena da azken orduko

eta zu ere berria zara nire albistegietan.

Beraz, josi diezazkiogun ezpainak isiltasunari,

ez diogu minuturik zor

eta haizeak ere behar du zer eramana.

Zatoz, zatoz eta zeharka nazatela zure hitzek

belarri batetik sartu eta bestetik atera arte.