Хүндүлүг чонувус! Ада-чуртун камгалаар дээш, чуртта болуп турар тускайлаттынган шериг ...

Дата публикации: 24-07-2026 01:28:37

Хүндүлүг чонувус!
Ада-чуртун камгалаар дээш, чуртта болуп турар тускайлаттынган шериг операциязынга киржип, ДНР девискээринде 71443 дугаарлыг шериг кезээнге мерген адыгжы бооп, тура-соруктуг, эрес-дидим чоруу-биле дайынчы даалгазын күүседип тургаш, Эрзин кожууннуң Мөрен сумузунуң база бир төлептиг оглу, авазының ынак оглу, акыларының орлан-шоваа хеймереги, чаңгыс кыс дуңмазының идегелдиг чөленгиижи, чээннериниң эргим даайы, хөй санныг төрелдериниң дузааргак акызы, дуңмазы, эш-өөрүнүң оюн-баштак, биче сеткилдиг, топтуг-томаанныг эжи Каң-Хөө Мөңге Константинович бо чылдың апрель 3-те чырык өртемчейден, бистиң аравыстан, хып дээн чалыы назынындан чарлып чорутканын, ырак-чоок төрелдеривиске, ойнап өскен эш-өөрүнге, аймак-төрел чонувуска ханы кажыыдал-биле дыңнадып тур бис.
Каң-Хөө Мөңге Константинович 1989 чылда 4 ажы-төлдүг ажылчын өг-бүлеге 3 дугаар эрге-чассыг оглу бооп төрүттүнген. Ол Мөрен ортумак школазынче 1996 чылда өөренип киргеш, 2007 чылда чедиишкинниг дооскан. Школачы чылдарында волейбол, баскетбол, футболдуң тергиин эки ойнакчызы бооп, спортчу хемчеглерге удаа-дараа киржип, кашпагайын бадыткап чораан.
2008 чылда Комсомольск-на-Амуре хоорайда 20117 дугаарлыг космос биле чурттуң аразында харылзааны харыылап турар шериг кезээнге албан хүлээлгезин эрттиргеш, 2009 чылда төрээн чурттунче чанып келген. Ол-ла чылын Тываның политехниктиг техникумунуң «Электроэнергия» салбырынче өөренип киргеш, электрик мергежилин чедип алган. Эртеминиң аайы-биле ажылдаваан-даа бол, тудуг талазы-биле билиглерин сайзырадып, улуг сонуургалдыг ажылдап, эш-өөрүнүң, чонунуң хүндүткелин чаалап алган.
Ол ачазының ус-шеверин, авазының ажылгыр-кежээзин дөзеп, хөй чылдар ишти бажыңнар, тудуглар тудуп, бажыңнарга евроремонт кылып, «алдын холдуг» деп эштеринге, чонунга мактадып чораан.
Амыр-тайбың чуртталга дээш, амы-тынын харам чокка берген Маадырывыстың хүлүмзүрээн арын-шырайы, чырык овур-хевири, маадырлыг чоруу кезээ мөңгеде бистиң чүректеривиске артар!
Сөөлгү оруунче үндүрер черин, хүнүн, шагын немей дыңнадыптар бис.
Харылзажыр дугаарлар:
89133537870 – Чечек-Делгер Даалыновна (авазы);
89059202229 – Надежда Константиновна (дуңмазы).

Схожие новости

#	Наименование новости	Тональность	Информативность	Дата публикации
1	Хүндүлүг чонувус! Ада-чуртун камгалаар дээш, чуртта болуп турар тускайлаттынган шериг ...	0	18.98	24-07-2026
2	90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ...	-2	3	08-07-2026
3	90 чылдарда ЧЕЛНОКИ шокар сумкаларлыг, хепти кыдаттан, киргизиядан, турциядан ажырып ...	-5	3	11-07-2026
4	Приём-приём! 🚀 С Днём рождения, земляне! ТРЦ Galaxy от всего ...	0	29.65	24-07-2026
5	Приём-приём! 🚀 С Днём рождения, земляне! ТРЦ Galaxy от всего ...	3	2	27-06-2026
6	Приём-приём! 🚀 С Днём рождения, земляне! ТРЦ Galaxy от всего ...	5	2	21-07-2026
7	Приём-приём! 🚀 С Днём рождения, земляне! ТРЦ Galaxy от всего ...	5	3	11-07-2026
8	🎉 Поздравляем с Днем Рождения наших участников группы! [id1338085|Андрей Алимов], ...	10	2	08-07-2026
9	Приём-приём! 🚀 С Днём рождения, земляне! ТРЦ Galaxy от всего ...	5	3	28-06-2026

Классификация: Арктика. Схожих патентов: 0. Схожих новостей: 9. Тональность: 0. Информативность: 18.98. Источник: vk.com.