Asteon iragarri dituzte Iruñeko Udalak eta Nafar Ateneoak antolatzen duten nazioarteko literatur sariketaren hogeigarren aldiko irabazleen izenak, eta Arrasateko Ane Zuazubiskar Iñarrak jasoko du, urriaren 30ean, euskarazko modalitaterako aurkeztutako hemeretzi lanen artean gailenduta, 3.000 euroko saria eta, horrez gainera, poema sorta argitaratzeko aukera. "Poz handia eman zidan deia jasotzeak, eta Iruñean izateak ilusio berezia egin dit", azaldu du arrasatearrak.

Debagoieneko askotariko sortzaileek antolatzen duten Arrasateko Okil azokako iazko aldia du Arrasateko bertsolariaren eta irakaslearen poema-bilduma irabazleak abiapuntua. "Maria Osesi eta bioi poesia emanaldi bat egitea proposatu ziguten, eta poema gehienak ekitaldi hartarako batu eta txukundutakoak dira. Kaxoian gorde nituen ondoren, eta ez neukan inora bidaltzeko asmorik. Halako baten, errezitaldira etortzerik izan ez zuen Sarai Robles lagunari bidali nizkion, eta hark animatu ninduen bilduma forma ematera, eta hortik iritsi zen lehiaketara aurkeztea gero".

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak