02/04/2026 a las 13:08h.

Un padre upa en cuello a un nenu na semeya que val de portada nel primer discu del grupu xixonés Abéu. Nenguna otra estampa podía dar cuenta d'una forma más afayadiza del relevu xeneracional, el conceptu alrodiu'l que xira esti trabayu de debú d'un cuartetu formáu por Paula Vega, María Blanco, Óscar Vega y Eduardo Llosa, cuatro rapazos que se conocieron nel Grupu de Baille Trebeyu y qu'en 2018 decidieron xuntase nun proyectu musical, que por él mesmu encarna esi relevu na tresmisión del legáu tradicional col aire nuevo de la mocedá y plena consciencia del tiempu nel que viven los sos componentes. El prósimu 16 de mayu nel Teatru Auditoriu de Grau van presentar en directu y arrodiaos de collaboradores tolos temes del so álbum, llográu gracies a una campaña de micromecenalgu.

«El discu como proyectu individual sigue un poco como esa llínea temática conceptual, del relevu xeneracional, de cómo la xente nuevo se va averando a la música tradicional y tamién a l'actualización d'esos temes. De fechu, intentamos que los collaborxiren en tornu a too ello». desplica Óscar Vega. Nesi sen, apunta que «collaboramos, por exemplu, con un grupu de pandereteres mui moces que se llamen Rellume, col nuestru propiu Grupu de Baille Trebeyu, que tien un montón de xente xoven inscrito y. cola Banda de Gaites de Villaviciosa, que tamién se calteriza por tener na formación muncha xente mozo».

Abéu siéntense parte de les últimes fornaes de conxuntos y artistes asturianos de folk con base na percusión tradicional, sobremanera nes panderetes y participen del mesmu enfotu que la mayoridá d'ellos en facer música pa que se baille. Asina lo asume Vega: «Los nuestros conciertos, tolos directos y el discu en xeneral tá orientáu al baille. La nuestra propuesta sigue siendo que la xente participe activamente de la música que tocamos bailando. De fechu, respetamos les estructures tradicionales del baille nos temes arreglaos por nós. Simplemente damos-y un enfo más cercanu al públicu y al tipu de medios que tenemos güei en día, facémoslo como dalgo más averao a l'actualidá», asegura'l músicu. Pero con esa filosofía de que la xente participe activo, que nun tea simplemente escuchando, porque al final ye'l sentíu que tien too esto, que toos nos involucremos nello», recalca.

En cuantes a les pieces que formen esti trabayu, Vega revela que «son pieces recoyíes por distintos investigadores que nosotros fuimos deprendiendo col paso de los años y agora dámos-yos una vuelta. Les lletres escribímosles nosotros y facemos los arreglos pero toles pieces tienen base tradicional, nes lletres y nes estructures. Hai dalgunes que llevamos tocando dende los anicios y otres coles que quiximos sorprender un poco, repertoriu nuevu tamién pa que'l discu nun fuera daqué totalmente esperable».

El pandereteru d'Abéu empondera'l llabor de Sergio Rodríguez, responsable de los Estudios Tutu de Corvera, onde se grabó 'K-mudar' y productor musical del discu: «Sergio foi una pieza clave en tol procesu, participó munchísimo. Tocó nunes cuantes pieces, incluyó munchos instrumentos y propunxo munches idees. La verdá ye qu'ensin él, el resultado hubiere sío mui distintu. Tamos encantaos col estudiu y con tol trabayu que fexo Tutu».

En cuantes al rodaxe del grupu previu al discu, l'integrante d'Abéu afirma que «sobre tou valiónos pa descubrir lo que queríamos facer, pa ónde queríamos dir, qué soníu queríamos que nos representare» y ye que, como desvela: «Sobre todo para descubrir lo que queríamos, hacia dónde queríamos ir, qué sonido queríamos que nos representase. La verdá ye que pasamos por époques estremaes y en xeneral la rempuesta de la xente foi siempre mui positiva, pero ye agora con esti discu onde queremos que vaya la nuestra llinia y esperamos que tamién a la xente-y preste esti xiru».

Tendrán manera de comprebalo na cita de la presentación en Grau, que tien toles traces de ser una braera fiesta colectiva.