25/09/2026 a las 12:17h.

Zilarrezko Ohorezko Mailan aurki daitezkeen aurkari berezienetako batek bisitatuko du larunbatean Aritzbatalde kiroldegia. Denboraldiko 3. jardunaldian, Barcelona B taldeak jokatuko du Zarautzen.

Aforoaren kontrola dela eta, ZKE eskubaloiko zuzendaritzak partida Klubaren Egun Erdi izendatu du eta honek sarreran eragina izango du.

Horrela,sarrerak euro bat balioko du haurrentzat, 2 euro bazkideentzat eta 10 euro gainerako ikuslkeentzat. Txarteldegia arratsaldeko 15:00etan zabalduko dute kiroldegian.

Bertaratzen direnentzat taberna zerbitzua egongo da. Klubeko denda ere zabalik egongo da, eta bertaratzen direnek arropa berria probatzeko aukera izango dute.

Kataluniarrek talde ona eta gaztea izaten du urtero eta zarauztarrek gogo berezia izaten dute beraien aurka jokatzeko, Ez dute ondo hasi denboraldia zeren lehen partida Anaitasunaren etxean galdu egin zuten, 33-30, baina bigarrenean Zaragozari 7gatik nagusitu zitzaien (38-31). Ez da partida erraza gure mutilentzat baina zaleen babesarekin edozer gerta daiteke.