18/09/2026 Actualizado a las 22:02h.

2026ko traineru denboraldia igandean amaituko du Esperantzak eta urte bikain bati amaiera egokia emateko ongi-etorri beroa egitea proposatu da.

Udalak honela adierazi du bere sare sozialetan proposamena; «Getariarrok merezitako herri-aitortza egingo diegu gure arraunlariei eta Arraun Elkartea osatzen duzuen guztiei. Denboraldi osoan egindako lan, esfortzu, konpromiso eta ilusioagatik, zorionak eta eskerrik asko! Getariaren izena eta kolore marroia leku guztietara eramateagatik, gure aitortzarik beroena».

Hitzordua arratsaldeko 19:30ean izango da eta herritarrak plazan elkartuko dira harrera beroa emateko. Gaur eta bihar bi azken estropadak lehiatuko dituzte, Bermeo eta Portugaleten eta horrrekin denboraldia amaitutzat emango dute Ion Larrañagaren mutilak.

Eusko Label Ligako Sailkapen orokorrean une hauetan getariarrak laugarren postuan daude kokatuta 163 punturekin. Atzetik Hondarribia dago, 152 punturekin, beraz ez dute erraza izango Esperantza aurreratzea, baina erne zeren gerta daiteke getariarrak hirugarren amaitzea zeren Urdaibai aurretik dago postu horretan puntu bakarreko abantailarekin, 164. Handia litzateke.

Getariako Arraun Elkarteak arrauna ezagutarazi nahi du herritarren artean. Harrobian lan egitea ezinbestekoa da azken urteetan GAEk lortutakoa ulertzeko. Esperantza goi mailako estroapadetan ikusteko aurrez lan asko egin begarra dago eta gaztetatik kirol honetan hastea komeni da.

Horretarako, arraunera gerturatu eta kirol honetan lehen urratsak eman nahi dituzten gazteek aukera izango dute kirola probatzeko. Arraun Elkarteak denboraldi berriari begira ate irekien jardunaldia antolatu du datorren astelehenerako, herriko gazteei arraunaren mundua ezagutzeko eta kirola probatzeko aukera izan dezaten.

Jarduera irailaren 21ean izango da, astelehena, 18:00etan, eta interesa dutenek Getariako Arraun Elkartera bertaratzea nahikoa izango dute. Ezingo balute, getariakoarraunelkartea@gmail.com helbidera idaztea nahikoa izango da.

Getariako Arraun Elkarteak adierazi duenez, adin ezberdinetako jendearentzat zuzendua izango da:go deialdia, maila ezberdinetan banatuta. Horrela geratzen dira kategoria ezberdinak adinaren arabera; 2015ean eta 2016an jaiotako alebinak, 2013-2014ko infantilak, 2011-2012ko kadeteak eta 2009-2010eko jubenilak.