Argia ikastolako kideak lanean dira jadanik datorren urteko urriaren 20an ospatuko duten Nafarroa Oineza prestatzen. Izan Argi! lelopean, euskarazko kalitatezko hezkuntza eskeintzearen alde egiten duten lanaren sustegu izanen da datorren 2019ko festa.

34 urte bete ditu Tutera eta Fontellasko ikastolak. 5 ikaslerekin ekin zioten bideari, Tuterako Beterri Peñaren lokaletan. Egun ikastola erabat egonkortua dago Erriberako egunerokotasunean eta Tuterako ikasleez gain, Fontellas, Zintroniko, Corella, Cascante, Murchante, Alesbes, Cadreita, Arguedas, Castejon, Cortes eta Ribaforadako ikasleak hartzen ditu. Nafarroa Oinez festak suposatzen duen laguntzaren bidez, ikastola handitzen jarraitu nahi dute, kooperatiba eredua indartuz.